Награда за животно дело „Андреја Дамјанов“

Наградата за животно дело „Андреја Дамјанов“ претставува највисоко признание на Асоцијацијата на архитекти на Македонија (ААМ) за исклучителен придонес во областа на архитектурата и градителството во Република Македонија.

Именувана во чест на прочуениот неимар Андреја Дамјанов, кој со својата тајфа оставил длабок белег врз балканската архитектура во XIX век, оваа награда се доделува еднаш годишно.

Добитници се истакнати архитекти со богато животно творештво — обемна професионална пракса, теоретска работа, едукативен ангажман и јавен придонес — препознаени преку значајни дела, трудови, награди и признанија.